2015年12月相

2015年度總結

< 2015年度總結 >

話咁快一年又過,係時候又總結一下今年我用過最愛既產品同大家分享~

今年買底妝多左鍾意既好多好難揀所以分左夏同冬季講,

tengteng係缺水乾皮,水油不平衡夏天鼻位會出油以往冬季都會甩皮,可能今年唔太凍所以今年冬季皮膚有d反常都有出油

最愛防曬

夏季: Shiseido ANESSA Sunscreen SPF 50+ PA++++

冬季: RMK UV Face Protector SPF 50+ PA++++

老實說冬天我其實成日都唔查防曬所以呢支RMK防曬係我上年用到而家佢係我上年年度最愛,雖然唧出黎時係膏狀但好易推介唔笠,好用~

但夏天就一定要查所以今年買左SHISEIDO ANESSA試,呢支野我係去日本旅行時見佢擺係藥妝店門口最當眼位置D日本妹個個都買所以我又買,

跟住反到黎先知原來呢支防曬好出品佢係白色液態質地唧出黎好水好易推,而且好快就吸引一D都唔笠好岩夏天用,我係日本買好平好似$120HKD左右,

後來我知香港買好貴所以有D後悔無買多兩支BTW呢支防曬乾皮油皮都岩好,十分推介 !

最愛隔離霜

Makeup Base我今年都試左唔少新野,主要都係買保濕唔太笠既用,當中有幾支特別鍾意

夏季: NARS Pore Refining Primer(Oil Free)

其實夏季我都唔會點敢試太多唔同makeup base出到街溶左真係好樣衰,所以我今年整個夏天正係用佢,夏天就算乾皮都會出油,所以base都係用反無油份既保濕產品比較好,我好鍾意NARS呢支Bse呈水狀上面好舒服,而且真係好保濕油皮都好岩用

冬季:

LES Merveilleuses LADUREE UV Protection Makeup Base SPF 50+ PA+++

Covermark Day Nourish Fixer

LADUREE呢支聲稱係一支防曬+BASE所以我就直接用完佢就上粉底,佢呈白色水狀保濕幾好防曬值一定夠晒用但我唔太鍾意佢有D笠所以留係冬天用

Covermark綠瓶base好出名係極乾皮救星,我上年去Counter買草本粉底時BA都係dell我買但當時無入手,直到今年剛入秋時我懶叻去入左支,

但我到而家用既次數不到5次..因為佢真係好潤,唔係濕度太低既日子乾皮都千其唔好用,必溶!但事實對於極乾性皮膚有即時保燙滋潤作用,油皮可以miss左佢~

Cle de peau beaute 鑽光Base 

呢支純粹係一支效果型底霜為左配合佢支鑽光粉底用,我一直想試CPB底妝所以今年去日本時決心一次過買晒想試既野,

呢支BASE話佢保濕又唔夠,遮毛孔又遮得少少,最重要係佢講明係鑽光效果但單用上面完全唔覺有光澤,咁講可能有D雞肋但事實真係要配埋佢支鑽光粉底先會睇到佢既美....如果想要健康光澤靚既底妝好推介CPB"呢支BASE配鑽光粉底"記得佢地係孖寶黎唔分得開

最愛粉底

今年因為買得多所以鍾意既都多左 ..

數到今年夏天最紅既粉底一定係Dior Nude Air Serum Foundation 我係眾sis一致既推介下都入手左而且成為我今年最愛

因為呢支粉底雖然講係Serum FTD但其實係For油皮用,老實說我乾皮夏天用都有d乾但我好鍾意佢質地呈水狀但遮瑕度中上而且遮瑕度可以疊加,

最緊要係佢無論上幾多層粉個妝都唔厚所以就算佢對我來說有d乾我都連續用左佢兩個月無轉過其他底妝用

今年秋季我就用Covermark新出金色粉底同Banila co. VV Cushion渡過,CM呢支粉既評論好壞參半,有人覺得佢好保濕又有人覺得佢好乾,

BTW我自己就好鍾意,對我來說保濕好好遮瑕高,我用既色號N00都好岩我,I LIKE IT!

Banila co. VV Cushion 我一直都話要寫篇文介紹呢盒Cushion但一直都唔記得,佢唔係一般海綿粉只係一盒按壓式既粉底所以唔需要擔心衛生問題,保濕度好遮瑕度高帶有少少光澤,我好少會用平價底妝但呢盒我勁鍾意 !

SUQQU粉膏(滋潤型) 一直都好出名,保濕度好妝感自然遮瑕度中上應該好多SIS都會鍾意,不過我要求無瑕底妝所以用既次數唔多,但勝在佢保濕好秋冬用都唔錯~

Cle De Peau Beaute Silky Cream Foundation 

呢支粉底係k小姐介紹我去日本時買的,相比起鑽光粉底我愛呢支好多!因為佢遮瑕度高妝感重又夠保濕滋潤,而且真係好似d人話個妝帶得越耐越靚!

出左油後成塊面會變得好有光澤(唔係油光感)所以我會留反冬天先用,叱支係for乾皮佢另外仲有支for油皮用遮瑕度再高d但會乾d..

NARS Sheer Glow Foundation

連續兩年打入我年度最愛當然一定係超高遮瑕度既粉底啦~有d人話佢乾但我用左兩年冬天都唔覺佢乾,但皮膚狀況唔好時(缺水)用佢就真係會覺得有d乾,所以想要完美底妝首先係要做好護膚程序

最愛定妝粉

NARS Light Reflecting Setting Powder Crystal (Loose)

如果問我推介邊隻夏天用既控油持久碎粉我只會答你Nars Crystal,同樣連續兩年成為我年度最愛就知我有幾鍾意佢啦~

佢有粉餅狀同碎粉狀我揀粉狀原因係佢較易取粉,望住支掃令粉時有d煙飛出黎好有滿足感

SUQQU Setting Powder(光澤型)

佢另外仲有啞光型不過我已經有NARS所以買光澤款,粉質超滑閃粉好幼細上面有自然光澤唔誇張唔控油秋冬用會比較適合

最愛粉餅

粉餅對我來說係一樣好重要既東西,因為我好多時都要用有色粉餅黎定妝同埋趕時間出門口/想化淡妝哥日一定係淨上粉餅就算所以我試過既粉餅都幾多,

而且粉餅數量比粉底液多,可能我對粉餅要求特別高所以真心鍾意既唔多,今年最常用既就係以下呢d ...

Dolce & Gabbana Perfection Veil Pressed Powder (No.1Nude Ivory)

其實佢係一盒定妝粉但佢有色號揀又有中等遮瑕度所以我當佢補妝定妝兩用粉餅用,我今年夏天基本上都係Dior Nude Air+D&G粉餅渡過,佢內附哥支掃仔質數都幾好不過我多數都係用竹寶堂小胖刷印上面遮瑕度會再高D,有時想化淡妝就直接上粉餅,佢粉超幼上妝好貼唔乾,歐美牌子可以做到粉質咁好係極難得!不過我覺得如果要夏天用比較岩偏乾皮膚所以油皮夏天不推介

除左D&G另外一個我今夏常用既粉餅就係Bourjois Healthy balance (52 Vanille Vanilla)

呢個粉餅我知有人唔鍾意但我自己就好鍾意,上面同樣好貼服遮瑕度比D&G低但單用淡妝真係好正,同樣都係用小胖刷上妝快靚正!我大部分妝文裡面既畫妝相都係用呢個粉餅做底妝所以我好有信心會用得晒呢盒粉

TOMFORD Traceless Foundation Comoact 

呢個粉餅我好似經已買左年半有多佢係唯一一件我望住佢會覺得好自豪既化妝品我都可以用到見底就知有幾鍾意佢啦~同樣佢都係我上年最愛粉餅今年繼續愛佢,

粉質,貼服,遮瑕,保濕度我都俾佢100分,唯一係佢太易溶所以我一定會留係冬天先用,油皮就可miss了~用完我會再回購無記錯當時係買左01色而家上面有d黃,下次回購會買反06

SUQQU 雙色粉餅 101

我最近化妝袋就係放緊呢盒SQ粉餅,雖然101係最淺色但對我來說望落同用落都係有d偏黃但我而家唔追求太白底妝,人肥用深少少粉底塊面無咁胖但下面深色哥格我有時會用黎做自然陰影,SQ既粉質唔洗多講當然係超好,呢個粉有一定遮球度保濕好好就算個妝溶左D都唔會一撻撻,妝感算係偏自然追求好白妝感既sis無必適合

最愛遮瑕產品

今年我都係用遮瑕液多所以愛用既都係液體狀

Collection Lasting Perfection Untimate Wear Concealer (NO.1&2)

呢隻遮瑕度超級強大!一般黑眼圈都遮得好完美,唔乾持久!又平又好用超級推介!!唯一缺點係無COUNTER試色要網上買

如果眼底係極乾嫌Collection都唔夠潤試下Maybeline Fit me Concealer啦~

呢支遮瑕度同Nars哥支一樣好好但一d都唔乾仲好潤好好推,我買左10同15號溝黎用,有時會用埋黎遮面部瑕疵,

不過就係因為佢較潤所以遮瑕度不及Collection好

最愛眼部打底霜

Eye Primer係粗用產品所以我都唔會點買貴野黎試,最貴都係TF哥罐雙層Eye Prim但我覺得佢不如一支$58既Edute House好用

Etude House Proof 10 Eye Primer

呢支野我唔係次次去都有貨所以一早入定幾支存貨,Primer質地偏水上眼唔乾最重要佢之後上既眼妝都好持久,平靚正!

NARS Smudge Proof Eyeshadow Base

呢支都唔洗點講啦油眼救星~查左佢再上眼妝連條眼線都keep得耐d所以夏天時我會重點查係眼尾三角位,冬天用我就嫌佢有d乾所以將EH排係佢之前,

但我會繼續回購看門口

最愛眉部產品
我對眉筆頂求好求其今年都係買平野所以今年試過既唔多,但估唔到日牌眉筆又幾用

SANA New Born W brow ex

三合一眉筆真係好岩我呢d慣人用,筆芯軟硬適中易上色畫出黎超自然,最重要係佢個眉刷好soft掃落條眉到好舒服!好用!

Seatree Art Quick Styling Eyebrow Pencil

有次無意中係網上見到入手,筆芯比SABA軟更好畫,又平又好用,所以我亦無需要甘貴既眉筆

眉筆要求好低但我對眉粉要求就好高一定要粉質超好先會睇得上眼,一盒眉粉我用兩年都未用得晒所以今年最愛又係佢...

Guerlain Ecrin Sourcils Eyebrow Kit 

佢得一個色無得揀但一盒已經有晒一般深淺髮色都會用到既色俾你自己去調,呢盒粉質真係超好附送既既掃好好用,

最重要係佢上面哥格粉紅色用黎打亮眉骨超級自然!!!我真係好鍾意佢會繼續努力用到見底為止!

黎緊春季興紅色眉IPSA會出盒橙 X 紅色眉粉我諗今年會開始多D留意反眉部產品

最愛眼影

今年我買眼影產品最多所以鍾意既亦好多但大多數鍾意既都唔係粉狀

Giorgio Armani Eye Tint

甘多產品當中我最愛就係呢支eyetint,因為太方便啦~查眼影就好似查eye primer甘輕輕用手指抹開就有個好靚既眼妝,

有留意我post既sis都知我有幾愛佢,液體狀易推快乾持久驚人,而家有用過GA眼影既SIS都應該知佢地既眼影有幼彩粒子上眼特別立體好看,

強調多一次推介10號黎緊我都會繼續留意佢地既新色,油眼人未試過推介去COUNTER望下

Tomford Cream and Powder Eye Color

tf限量野我好少會瘋搶,但佢15年夏季Collection真係好吸引,所以我都忍唔住全包佢粒眼影膏TF眼影有幾好用唔洗我多講吧但近年都用到厭,

直到我遇到呢粒雙層眼影好似重燃反我對TF既渴求眼影呈mousse狀只要用好少好少既份量已經夠查成隻眼,推開時有摸奶油感覺,上層閃粉粉質比常態更濕潤更好!單用佢既眼影膏眼妝有微閃好岩反工淡妝用,再加埋佢上層閃粉整個眼妝好立體可以去Party,可惜佢係限量品而家無得買,不過如果日後再推出大家一定要去試 !

By Terry Ombre Blackstar Color-Fix Cream Eyeshadow

一直唔捨得試By Terry既產品但最後都係被某K燒著入手佢地既眼影筆,呢支筆我只識用三個字黎形容 - 絲絨感

佢係我暫時用過最滑上眼最舒服既眼影筆,持久就當然好好啦~我揀既四支都係大地色,

我係用原價買反來的成$1600買得四支筆而家諗反正係入大地色有d唔抵雖然係好鍾意但應該唔會再甘儲落去

By Terry Eye Designer Palette No.2 Color Design

相比眼影筆佢地既十色眼影盤就無甘肉痛,粉質比TF滑妝感偏光澤自然,暫時佢出左三隻色我自己比較鍾意呢盒彩色,

但我好唔明點解HK Counter要賣貴甘多呢盒我係Joyce買$765HKD其實係外國網買都係$5XX only,有時做8折$400幾就買到,

如果有興趣上網買會平差唔多成半

Nars Daul - Intensity Eyeshadow

要數到今年我瘋狂入手既眼影一定非Nars莫屬!由試佢第一盒八色乾濕眼影開始近幾個月都不停入手佢地既眼影,

對於彩妝控黎說Nars既乾濕眼影真係不可不試,有興趣可以去反P.1#4睇詳細分享

Lunasol四色眼影盤

今年其實我大多數時間畫既妝都比較淡所以Lunasol就成為左我日常妝既愛用品,我敢說日系大地色眼影Lunasol妝感係最靚!

非常低調既閃爍感好岩反工用,而且佢既啡色真係調得好靚,由其15年秋季推出既朱古力系列打破傳統畫出黎既眼妝有少濃輕熟感十分靚!

最愛眼線

今年試左海量眼線筆但要講好愛既一定係我最常用哥幾支..

Kose Cosme Decorte AQMW Lasting Gel Eyeliner

佢係我暫時用過最滑我可以一筆過畫一條完整外眼線既眼線筆,我雖然無點分享過但佢係我最愛眼線筆首位,

順滑快乾持久,網上聽聞佢係油眼救星但我就證實唔到呢一點了..不過佢價錢都係偏貴而且份量唔多好快就用完一支所以佢未必係一個最好既選擇

Chanel Stylo Yeu Waterpoof Long lasting Eyeliner

我鍾意Chanel眼線筆絕對係因為佢既顏色吸引鍾意畫眼妝既我不同顏色眼線筆對我來說好重要,小香既眼線筆調色好靚尤其佢地既限量特別靚,

所以基本上次次出限量色我都會入手,佢唔只顏色靚仲好有內涵,筆芯好畫好順對我來說持久好好,價錢適中長用都唔肉痛

ZA Gel eyeliner

一到夏天呢個版就出現好多"咩牌子眼線筆最防溶"既post,我俾呢度既 sis講到去左入支ZA試下有幾神奇,點知真係好OK!

佢筆芯偏軟好岩用黎畫內眼線,我係最熱既天氣用完全無溶過,不過都係哥句我唔係油眼對我來說一支夠軟夠順已經好滿足

MSH Love liner Liquid

Loveliner又係大家耳熟能詳一支好用到不得了既眼線液,不過我最欣賞佢唔係持久好而係佢既啡色做得好靚,

我試過好多所謂既淺啡色眼線液有d又太深色有d畫上到淺到mama唔認得但Loveliner既淺啡色我好鍾意,淺得黎又明顯有條啡色眼線係隻眼度,

我夏天最愛!

Mistine MAXI Black Eyeliner

黎到冬天眼妝會畫濃d所以需要一支更濃黑既眼線液,呢支泰國品牌眼線筆又係好出品好多人推,佢持久驚人畫出黎隻黑色好濃,價錢好平值得一試~

最愛胭脂

今年入手胭脂少左試過的唔多但反而甘樣我鍾意既用既次數會多d

Shiseido Maquillage Dramatic Mood Veil 

我極少買Shiseido既彩妝但佢當時一推出呢盒胭脂我居然仆左去買,事實證明無仆錯我鍾意足佢成年

我好欣賞佢附送哥支掃既設計一頭係海綿一頭係掃,官網教學係先用海綿頭令中間最深色上面再用掃打圈令其他淺色c字形掃係蘋果肌外圍,

有自然光澤感,我揀既橙色好顯白上面好健康唔誇張,唯一缺點係佢個盒太大跟本唔想令佢出街不過我唔會補胭脂所以無衝突

Kose Cosme Decorte AQMW Blend Blush #OR200

另一款我好鍾意既光澤胭脂就係呢盒,佢最特別既地方係本身無帶閃粉但查出黎效果好有光澤而且光澤感好靚,

BA話佢地既胭脂入面有珍珠粉末成份所以查出黎有折射反光效果,不過佢會飛粉將支掃垂直打圈取粉會較好,

我夏天入左盒橙色本來想冬天入多盒粉紅色點知今年AQMW聖誕set裡面有盒粉紅色胭脂仲附送埋支掃仔

講起AQMW聖誕Set TENGTENG覺得佢非常抵玩,眼影質數唔差仲有我頭先講好質數好高既眼線筆同胭脂,

包裝仲好靚所以我都連續入手左兩年,今年應該都會繼續支持

VDL Festival Blusher 屁桃限量版 101 601

我呢d膚淺睇表面人士一見到佢個包裝已經即燒著,係完全唔了解既情況下入左兩盒,點知原來幾好用!!

VDL既粉底出名好用估唔到佢既彩妝質數都好好,又係光澤妝感我夏天用都好持久而且呢盒限量版有桃味!

有興趣既SIS唔洗失望呢兩個色都有常態版只係無左隻公仔,推介推介

另一款我好鍾意既光澤胭脂就係呢盒,佢最特別既地方係本身無帶閃粉但查出黎效果好有光澤而且光澤感好靚,

BA話佢地既胭脂入面有珍珠粉末成份所以查出黎有折射反光效果,不過佢會飛粉將支掃垂直打圈取粉會較好,

我夏天入左盒橙色本來想冬天入多盒粉紅色點知今年AQMW聖誕set裡面有盒粉紅色胭脂仲附送埋支掃仔

講起AQMW聖誕Set TENGTENG覺得佢非常抵玩,眼影質數唔差仲有我頭先講好質數好高既眼線筆同胭脂,

包裝仲好靚所以我都連續入手左兩年,今年應該都會繼續支持

VDL Festival Blusher 屁桃限量版 101 601

我呢d膚淺睇表面人士一見到佢個包裝已經即燒著,係完全唔了解既情況下入左兩盒,點知原來幾好用!!

VDL既粉底出名好用估唔到佢既彩妝質數都好好,又係光澤妝感我夏天用都好持久而且呢盒限量版有桃味!

有興趣既SIS唔洗失望呢兩個色都有常態版只係無左隻公仔,推介推介

最愛唇部打底

LA MER The Lip Balm

如果要問我邊款護唇產品好用我只會答你LA MER,對我來說想要唇部健康就一定要用護唇產品所以我好少會買"潤唇膏"

LA MER係由一位美國物理學家Max Huber博士因實驗意外令皮膚嚴重灼傷,所以就自己尋找方法去治療自己既疤痕而發現用深海藻修復皮膚既方法而創立LA MER謢膚品牌,

呢盒Lip Balm其實主要係晚間睡前用,主要功用係有效地幫助去死皮,而我其實因為太懶除非爛咀我好少晚晚查,但化妝前一定會查佢!

佢能夠快速地回復唇部皮膚濕度而且能有效甘即時軟化死皮,重點係就算我再上唇膏都唔會有粘笠感,雖然價錢比起其他品牌相對係高但佢係值呢個價!我已經用左兩年一直都好鍾意暫時亦無諗過會轉其他牌子,如果你長期唇部都好易甩皮同乾燥teng十分推介大家去試呢款謢唇膏 !!

Dior Lip Glow Color Reviver Balm

應該係呢個版既sis最愛既謢唇產品,佢好用既地方係有即時豐唇效果!我查左佢都唔夠一分中成個咀已經漲左但唔好誤會唔係腫,

對於一D唇比較薄同細既人黎講豐唇可以令整個唇妝更立體更靚!而另一樣我鍾意既地方係佢有顏色,記得年頭時我好努力甘去跑步(當然而家放棄左)

有四個月我真係完全無化妝但我個唇都係偏淺怕出街嚇親人所以當時呢支Lip Glow就成為左我既好朋友,基本上日日都只係查佢出門口最後好努力甘用左1/3

但如果要化妝既日子我唔會查佢因為佢會影響左之後既唇色同持久度,所以本人建議都係單用較好

最愛唇膏

唇膏我今年又係買左好多但真心鍾意既唔多,呢三支都係我既真愛~

Giorgio Armani Ecstasy Lacquer

我好少買GA既唇膏但呢支唇膏液燒到我未推出前已經仆去Counter去留貨,到手後果然無令我失望上咀好glossy一d都唔笠,

持久非常好選色眾多,特別之處係佢上咀大概一個鍾後會變得再深色同matte少少,如果用紙巾輕印走一層佢持久更好,teng鍾愛501珊色瑚

Chanel Rouge coco Lipstick 

小香既唇膏一向係我最愛,15年春季佢推介全新系列Rouge coco質地介乎Rouge Allure同Coco Shine中間,即係有Allure既顯色度又能保持coco shine既滋潤度,

上咀仲要好有光澤又唔厚,I LIKE IT ~

Bobbi Brown Luxe Lip Color

最後一支我只係買左一星期但我好肯定會成為我2015最愛Item之一,而家甘乾既天氣我係完全無打底仲要下唇有甩皮既情況下直接查佢滋潤度同光澤度都極好!

我就算食野佢都只係甩左表而光澤哥層只保持到唇膏原色,有成30隻色俾你揀一定可以揀到自己心水既顏色,十個讚~

終於完成總結

2016...廢話不多,祝大家同我一齊繼續買買買

2015 x'mas